Tosamenkamen van'd Heimatverein Nördernee
Ehrenmitglieder wuurn ehrt; Chronik van Nördernee van de Bröers Eberhardt
De Vörsitter van'd Heimatverein Süntke Saathoff dürß n' bült Heimatfründinnen un Fründen to dat
Tosamenkamen, de arl twee Joahr stattfinden dätt, begrööten.
So as dat in elke Verein is, wuur to Anfang an uns Mitglieder dorcht, de ut uns Tied fallen sünd.
Doch denn gung dat mit de Mitglieder wieder, de vör 25 Joahr uns Verein biträden weern. So
worden ehrt: Ingo de Boer, Ines Brückner, Marc Royko un Jan Peter Kühlsen.
40 Joahr dorbi sünd Gerjet Visser un Mareikje Rosenboom.
För een 50 joahrigen Mitgliedschaft willn wi nu de Ehrenmitgliedschaft andragen un de
Ehrenurkunden avergäben an: Else Bremer, Gerhard Heckelmann, Janss Jacobs, Änne Jacobs un Ruth Trebsdorf.
Dree Mitglieder hemm sück um de Verein verdeent maakt un sünd faaken, ohn an hör eegen
Gesundheit to denken, för'd Heimatverein dor. De Ehrenmitgliedschaft muchen wi andragen
Hermann Carls, Selma Harms un Johanna Nuhn.
De Vereinsaktivitäten van'd Spölskoor, ut dat Museum un Teehuus un ut de Kinnergruppe ist
schriftlich verfaat worden un ji könn' de Texten mit na Huus nähmen un in Ruh studeern so Süntke
Saathoff.
Een Dank gäht an de, de stüddig hör Insatz för de Heimatverein gäben. Aber ok de, de dör hör
Spenden uns Verein unnerstützen as de Inselreederee, de OLB, de Sporkass, de Raiffeisen Volksbank
un de Inwahners van uns Eiland.
Vör twee Joahren mussen wi een Bidrachserhöhung bekannt maaken. Hierup sünd verschkeeden
Mitglieder ut uns Verein utträden. Nu hemm wi 368 Mitglieder dorvan 13 Kinner.
Dat Platt prooten licht mi an'd Haart so de 1. Vörsitter. In Kinnergarten of Schkool will dat keeneen
maaken. Somit is uns Dörschnittsoller in'd Verein düchtig hoch, doch de Heimatverein dürt ne
unnergahn.
An de Stadt appeleert Süntke Saathoff, dat he mehr Unnerstützung verwachten dätt. Uns Verein
bruukt ok hen of werdenn een lüttjen Sprütz.
Van Landschaft hett uns Eiland een nee'n Nam krägen, man wi blieven bi uns Nördernee.
Roland Extra gifft nu de Kassenbericht bekannt.
Dat vörletzte Joahr is noch mit een Minus ofschloten worden. De Offrecknung van uns Teehuus is
dör de Huusanschlüsse dürer worden.
De Teeseminare un de Besökertallen in uns Fischkerhuus weern heel ördentlich.
De Mitgliederverwaltung is up een aktuellen Stand van Stefanie Extra brocht worden.
De Restaurierung van uns Omnibus word dürer. De Firma, Schlosseree de Boer, will un's enttägen
kamen.
Roland Extra bedankt sück un meent free na Trapatoni „ik hebb kloor“.
Heel wat Besünners leeten uns Bonno Eberhardt un sien Bröer tokamen. So avergäben se de Ordner
mit de „Nördernee'er Geschkicht“ de Heimatverein.
Anfangen hett Günter Barty dat uptoschkrieben, Helmut Barty hett dat dann wiederföhrt. De
Bröers Eberhardt hemm de Biller dorto utfunnen un mit de Texten tosammen sterlt.
De 1. Ordner is van dat Joahr 1362 bit 1899 un wuur nu an de 1. Vörstitter gäben. De 2. Ordner is
van 1900 un sall bi'd 2007 gahn. Bit 1974 is de ok all kloor.
Dat Deckblatt sünd een Nörderneer Poor ut dat Book van S. Bakker mit de Text „mit disse Beid
fung dat arl an“. Nördernee een moi Eiland wor'd läben kannst.
Süntke Saathoff bedankt sück för de groote Geeste an uns Verein bi de Bröers Eberhardt.
Doch nu noch wat in eegen Saak: Ut Datenschutzgründen hemm wi keen Möglichkeiten mehr an de
Daten van Golden of Diamanten Hochtieden to kamen. Wi will de Jubilare gern een Ständchen
brängen man wenn wi dat Datum ne weeten is dat schlecht to maaken. Een Vörsclag is, ji setten jo
mit een van'd Vörstand in Verbindung wenn de Spölskoor een Ständchen brängen sall of dürt.
De nee'e Vörstand sett sück tosamen ut:
1. Vörsitter Süntke Saathoff, 2. Vörsitter Lothar Graw, Schriftführerin Angela Papenfuss,
Kassenwart Roland Extra, stellv. Schriftführerin Helga Dresen, stellv. Kassenwart Stefanie Extra,
Sprecher der Spielschar Karin Visser, Sprecher der Kindergruppe Anja Janssen,
Museumswart und
Leiter des Arbeitskreises Johann Visser,
Bisitter Ingrid Nuhn un Helmut Eggen, Pressewart Christa Wessels.
De beid Kassenprüfers sünd Inke Lührs un Hans-Dieter Wessels.
PS. Well gern de Berichten van'd Spölskoor, ut dat Museum un Teehuus un ut de Kinnergruppe
läsen much; unner www.heimatverein-norderney.de is dat arl natoläsen.
Heimatverein Nördernee